МЕНІҢ МЕКТЕБІМ
Ақылшым – мұғалім
1. Көп нүктенiң орнына қажеттi сөздердi қойып, мақал-мәтелдердi дұрыс оқы. Жұмбақ сөздермен торкөздердi толтыр.
Көкшіл жолақты торкөздегi сөздi дауыстап оқы.
1. Оқу – бiлiм …
2. Қына тасқа бiтедi,
Бiлiм … бiтедi.
3. … өнерi бiлiнбес
Бәйгеге түсiп жарыспай.
4. … – тозбайтын тон,
Бiлiм – таусылмайтын кен.
5. Оқу инемен құдық …
2. Берілген мақал-мәтелдерге ортақ тақырып ойлап тап.
Осы ортақ тақырып пен ұстаз сөзiнiң арасында байланыс бар ма? Болса, дәлелде.
3. Өлеңді түсініп оқы.
Ақылшым – мұғалім
Сәбилік көңілден
Арналды бұл әнім.
Баулитын өмірге
Ақылшым – мұғалім.
Тіліңді аламын,
Айтқанды ұғамын.
Мен сендей боламын,
Ақылшым – мұғалім.
Арқаңда өзіңнің
Адам боп шығамын.
Бәрі алтын сөзіңнің,
Ақылшым – мұғалім..
Әнуарбек
Дүйсенбиев
(1931 жылы
туған)
4. Өлеңнің авторын ата. Сызбаға сүйеніп әңгімеле.
5. Өлеңді әуенімен жатқа айтып үйрен.
6. Сурет бойынша әңгіме құрастыр.
Ү л г і : Менің ұстазым… Ол бізге … түсіндіреді, … айтады. Әрқашан … киінеді. Ұстаздың сөзін … тыңдаймыз.