Музыкалық калейдоскоп
1-тапсырма. Ақпарат іздеу.
• Калейдоскоп ойыншығын есіңе түсір.
• Музыкалық калейдоскоп құруға бола ма?
2-тапсырма. Орындау.
• Сен құрастыратын музыкалық калейдоскоп өткен сабақтарда танысқан атақты тұлғалармен байланысты.
Музыкалық калейдоскоп
(ойын)
Оқулықта атақты тұлғалар – Ақан сері мен Ахмет Жұбановқа, олардың шығармаларына байланысты бейнелі суреттер берілген.
Ойынның шарты. Екі топқа бөлініп, әр композиторға берілген суреттер бөліктерінен музыкалық калейдоскоп құрастыр.
3-тапсырма. Таныстыру.
Атақты тұлғалар
(музыкалық калейдоскоп)
Үш топқа бөлініңдер: Ақан сері, Құрманғазы, А. Жұбанов.
Қойылатын талаптары:
• Әр топ өзі таңдаған атақты тұлғалары жөнінде қысқаша таныстырылым жасайды.
• Берілген композитор шығармаларынан үзінділер орында және таныстыр:
▪ Ақан серінің «Маңмаңгер» әнінен үзіндіні канонмен орында.
▪ Құрманғазының «Адай», Махамбеттің «Жұмыр-Қылыш» күйлерінен үзіндіні ля буынымен орында.
▪ Ахмет Жұбановтың «Ақ көгершін» әнін өлең түрінде мәнерлеп оқы.
4-тапсырма. Бағалау.
• Әр топ өз таныстырылымын бағалайды..
БІЛІМІҢДІ ТЕКСЕР
Сұрақтарға жауап бер:
1. Сал, серілік өнерге сипаттама бер.
2. Неге композитор А. Жұбановты «қазақ оркес трінің алыбы»
деп атайды?
3. Біржан салдың «Он саусақ» әнінің шумағындағы көп нүктенің орнына керекті сөздерді тауып, дәптеріңе жаз.
… бір баспай,
Жүрмін қалай … .
Жиын-тойдың ішінде
… саламын осылай.
Тест сұрақтары:
1. Махамбеттің күйі.
А. «Адай»
В. «Жұмыр-Қылыш»
С. «Көрұғлы»
Д. «Балбырауын»
Е. «Би күйі»
2. Ақан серінің әні.
А. «Ақ көгершін»
В. «Он саусақ»
С. «Елім-ай»
Д. «Маңмаңгер»
Е. «Мәңгілік ел жастары»
3. Біржан салдың туған жері.
А. Атырау
В. Ақтөбе
С. Көкшетау
Д. Алматы
Е. Жамбыл
4. Ноталық үзінді берілген музыкалық шығарма.
А. «Мәңгілік ел жастары»
В. «Жұмыр-Қылыш» күйі
С. «Ақ көгершін» әні
Д. «Адай» күйі
Е. «Мәңгілік ел жастары» әні
Сөзжұмбақты шеш
Сөзжұмбақты дұрыс шешсең, қазақтың сал-серісі – Біржанның есімі шығады.
1. Жалынды ақын.
2. Көне аспап.
3. Күй атасы.
4. Халық оркестрін ұйымдастырған композитор.
5. Ақан серінің әні.
6. Көп дауысты музыканың түрі.