Сөйлеу мәдениетіне үйренемін
51. Суреттерге қара.
• Балалардың қайсысы әдептілікті сақтамады деп ойлайсың?
• Жаяу жүргіншілер жолында неліктен ролик тебуге болмайтынын дәлелде.
• Көліктен шығар кезде жолаушыларға айтатын сөздерді таңда:
• Менің шығуым керек.
• Өтіп кетуге бола ма?
• Сіз келесі аялдамада түсесіз бе?
• Өтінемін, өтіп кетуіме бола ма?
52. Қоғамдық көлікте өзін қалай ұстау қажеттігі туралы ережені толықтырып жаз.
1. Үлкендер мен балалы әйелдерге орын беру керек.
2. …
3. …
4. …
• Өзіңнің осы ережені бұзған кезің болды ма?
• Үлкендерге орын бермеген балаларға қандай ақыл айтар едің?
53. Өлеңді оқы.
Балақайды жұбатып ек,
Апай айтты: «Рақмет!»
Малды өріске ұзатып* ек,
Атай айтты: «Рақмет!»
Көк шыбықты құлатып ек,
Айтпады ешкім «Рақмет!»
Бейсебай Кірісбайұлы
• Өлең не туралы?
• «Рақмет!» деп қай кезде айтады, қандай жағдайда айтпайды? Өз ойыңмен бөліс.
54. Көшіріп жазып, өзің қалаған сөздермен диалог құра.
Рұқсат етіңіз, мархабат етіңіз, мүмкін болса, ренжімесеңіз, мақұл, қалауыңыз білсін.
• Бұлардан басқа әдептілікті білдіретін қандай сөздерді білесің?