Мәңгілік мұралар
1-тапсырма. Ойтолғау. Музыка тыңдау.
Сарыжайлау
Тәттімбеттің күйі
• «Сарыжайлау» күйін симфониялық және қазақ ұлттық аспаптар оркестрлерінің орындауында тыңда.
• Күйді қай оркестр бастады? Қандай оркестр жауап қайтарды, қандай оркестр аяқтады?
• Бейнебаяндағы оркестр орындауларын қандай өнер түріне жатқызар едің?
• Үшінші сыныптағы музыкалық тәжірибеңе сүйене отырып, екі оркестрдің айырмашылығын ата.
• «Сарыжайлау» күйі қай оркестрдің орындауында ұнады? Неліктен?
• Бейнежазбадағы оркестр орындауларына тақырып қой.
2-тапсырма. Музыкалық сауаттылық.
Симфониялық оркестр алғаш рет 18 ғасырда Еуропада пайда болды. Оркестр құрамы ішекті-ысқышты, үрлемелі және соқпалы аспаптардан құрылған.
Симфониялық оркестрдің құрымындағы музыкалық аспаптар
(дыбысына қарай топтасуы)
1. Ішекті-ысқышты аспаптар тобы
скрипка
альт
виолончель
контрабас
2. Үрлемелі-ағаш аспаптар тобы
флейта
гобой
кларнет
фагот
3. Үрлемелі-мыс аспаптар тобы
валторна
труба
тромбон
туба
4. Шулы-ұрмалы аспаптар тобы
кастаньет, маракас және т.б.
барабан, дауылпаз, дабыл
литавра, тарелка, үшбұрыш
қоңырау, ксилофон және т.б.
5. Клавишті аспаптар тобы
рояль
орган
клавесин
клавикорд
6. Қосымша топ
арфа
3-тапсырма. Шығармашылық жұмыс.
Үш топқа бөлініп, «Мәңгілік мұра» атты өнер сайысына қатыс.
1-топ: Қобыз аспабының дайындау тәсілін әңгімелейді.
«Жезкиік» күйіне суырыпсалма жасайды (әуенін орындайды, ырғағын соғады).
2-топ: «Қоғалы-ай» халық әнін екі дауыста орындайды.
3-топ: «Алпамыс батыр» жырына суреттерден коллаж дайындайды. Бұқар жыраудың «Биік тауға жарасар» термесін орындайды.
4-тапсырма. Бағалау.
Әр топ өз өнерін көрсетеді және бірін-бірі бағалайды.