Графика дегеніміз не?
Суретшілер басты әсерлегіш құралдары сызық, пішін, ақ және қара түстері болатын туындыларды көп бейнелейді. Мұндай туындылар графика деп аталады.
А. Дейнека . Шаңғышылар
Графика туындыларын салатын суретшіні график-суретші деп атайды. Сенде графикалық жұмыс орындап көр. Ақ, сұр және қара түстердің үйлесіміне, сызық пен пішіннің әсерлілігіне назар аудар . Сен көріп тұрған бейнелер сұлба деп аталады. Сұлба – адамның не заттың өз көлеңкесіне ұқсас етіп, жазықтықта бір түспен салынған бейнесі. Бейне сұлбасы – заттардың барлығы сұлба түрінде бейнеленетін графиканың бір түрі.
Сұлбада пішіндердің әсерлілігіне баса назар аударылады. Бұл түсінікті де, өйткені онда ұсақ бөлшектер, алуан түстер болмайды. Сондай-ақ сызықтар өте сирек қолданылады. Сондықтан суретшінің бар назары пішінге аударылады.
Е. Кругликова. Көрмеде
Е. Бем. Сұлбалар
Мына сұлбалар туралы не айтасың? Адам қалыптарының әсерлілігіне назар аудар .
№2 жұмыс дәптерінің 4-бетіндегі тапсырманы орында.
Графика туындыларындағы ұлттық ойын түрлері
Елімізде халқын шексіз сүйетін және халық дәстүрін терең білетін тамаша суретші өмір сүрді. Ол – Евгений Сидоркин. Суретші қазақ халқының тарихы мен дәстүріне арналған көптеген графика туындыларын жасаған. Суретшінің назарынан ұлттық ойындарда тыс қалмаған. Оның графикалық жұмыстарыда «Қазақ ұлттық ойындары » деп аталады.
1. Графика дегеніміз не?
2. График-суретші қандай әсерлегіш құралдарды пайдаланады?
Суретші қандай ұлттық ойындар мен кәсіп түрін бейнелегенін тап.
1. Суретшінің жұмыстарына зейін қойып қара . Қозғалысты қалай бергеніне назар аудар . 2. Суретші пішім мен бейнені қалай байланыстырған? Суретшінің шешімін талда.