Сен тұратын аумақта қандай катаклизмдер болуы мүмкін?
СЕН:
Есіңе түсір!
Катаклизм дегеніміз не? Мына суреттерге қарап, өзіңе таныс катаклизмдерді айтып бер.
Жанартаулардың атқылауы мен цунамиды айтпағанда, біздің елімізде де әртүрлі табиғат апаттары болып тұрады. Кей облыстарда құрғақшылық, қатты аяздар, су тасқыны, шаңды дауылдар, аптап ыстықтар және даладағы өрт тәрізді оқиғалар оқтын-оқтын орын алады. Таулы аумақтарда жер сілкінісі мен сел тасқыны болуы ықтимал.
Бақылау,
зерттеу
Қазақстан аумағында болуы мүмкін табиғи апаттар картасын (70-бет) қарап көр. Картадан өзің тұратын облысты тап. Қауіптердің шартты белгілерімен мұқият таныс. Өзің тұратын аумақта болуы мүмкін табиғат апаттарын ай- тып бер.
Бабаларымыз «Қамданған қапы қалмайды» деп бекерге айтпаған. Бұл қанатты сөзді біз бала кезімізден білеміз. Көптеген табиғат апаттарын алдын ала болжап, күні бұрын дайындалуға болады. Біздің еліміздегі табиғи катаклизмдердің көпшілігі табиғи жағдайларға байланысты. Алайда бұл мәселеде адамның іс-әрекеті де үлкен рөл атқарады.
Табиғатта болатын катаклизмдерден қорғану үшін қарапайым қауіпсіздік шараларын сақтап, абай болған жөн.
Есіңде сақта!
Топтық жұмыс
Біздің жерімізде болуы мүмкін катаклизмдер сызбасын жасаңдар. Олардың тізімін жасап, мына сұрақтарға жауап беріңдер:
● Катаклизмдердің алдын алу үшін не істеуге болады?
● Мұндай жағдайда төтенше жағдайлардың 112 қызметі қандай рөл атқарады?
● Егер табиғат апаты орын алса, ТЖ қызметі мен халықтың іс-әрекеті қандай болуы керек?
● Өздерің тұратын аумақта соңғы бес жылда болған табиғат апаттарының жылнамасын жасаңдар.
Қазақстандағы табиғи апаттардың картасы
