МЕНІҢ ОТБАСЫМ ЖӘНЕ ДОСТАРЫМ
Әжетайым менің
1. Түсініп оқы.
Күннің шуағы жылы.
Ананың құшағы жылы.
2. Сөзжұмбақты шеш.
1. «Күшті» сөзін басқаша қалай айтады?
2. Ананың құшағы қандай?
3. Көп нүктенің орнына сөз қой: … – асқар тау.
3. Ақын Фариза Оңғарсынованың әже туралы өлеңін мәнерлеп, түсініп оқы.
Фариза
Оңғарсынова
(1939-2014)
Әже
Тентек болсам, ашынып,
Жақсы іс қылсам, асырып,
Маған сақтап жүреді
Тәттіні де жасырып.
Тосып тәтті дәмдерін,
Ол бар жерде бал жедім.
Мен ұйықтарда айтады
Ертегісін, әндерін.
Біздің үйде осындай
Әжетайым бар менің.
4. Өлеңнің авторын ата. Сызбаны пайдаланып әңгімеле.
5. Ақын қолданған сөздерге назар аудар. Кестені дәптеріңе толтыр.
6. Өлеңді жаттап ал.
7. Өлеңге әуен таңдап, әндетіп айтып көр.
8. Өлең жолдарын өз бетіңше жалғастыр
(ұйқасқа берілген кестені пайдалан).
Әже
Мен ұйықтарда айтады
Ертегісін, әндерін.
…
…
