Миша анасының басынан үш тал ақ шаш көрдi.
– Ана, басыңда үш тал ақ шаш бар екен, – дедi.
  Анасы езу тартып күлдi де қойды.
  Бiрнеше күн өткен соң Миша анасының басына тағы бір тал ақ шаш түскенiн байқады.
– Ана, – дедi Миша таңданып, – басыңда ақ шаш төртеу болыпты… Бұрын үшеу ғана едi ғой. Неге тағы бiреуi ағарып кеткен?
– Ауырғаннан, – дедi анасы, – ананың жүрегi ауырса, шашы ағарып кетедi.
– Жүрегiң неден ауырады?
– Есiңде ме, сен өте биiк ағаштың басына өрмелеп шықтың ғой… Мен оны терезеден көрiп тұрғанмын. Сенiң жiп-жiңiшке бұтақта тербелiп тұрғаныңды көрiп, жүрегiм ауырып кеттi. Содан шашым да ағарды.
  Миша үнсiз ойланып, ұзақ отырды. Содан соң анасына келiп, құшақтады да:
– Ана, мен жуан бұтақта отырсам, шашың ағармас па едi? – деп сұрады.