Ана тіліне тағзым
1. Түсiнiп оқы. Өз сөзiңмен түсiндiр.
Ана тіліне тағзым
Ана тілі – біздің туған анамыз!
Анамыздай сыйлап, бағып-қағамыз.
Ана тілін бағаласақ қалай біз,
Өзіміздің солай болмақ бағамыз.
Ана тілін кім аялай білмесе,
«Анасынан безген ұл!» деп қараңыз.
Мұзафар Әлімбай
Орфографиялық Сөздік
Тілдер мерекесі
2. Өлеңді тыңда.
Сүйемін
Сүйемін туған тілді – анам тілін,
Бесікте жатқанымда-ақ берген білім.
Шыр етіп, жерге түскен минутымнан
Құлағыма сіңірген таныс үнім.
Сол тілмен шешем мені әлдилеген,
Еркелеткен «құлыным, жаным» деген.
Сол тілменен бірінші білгізілген
«Ана» деген сүйгендік сөз һәм менен.
Сол тілменен үйрендім нәрсе аттарын,
Сол тілмен дінді, әдетті мен жаттадым.
Ең бірінші сол тілмен сыртқа шықты:
Сүйгенім, жек көргенім, ұнатқаным.
Сұлтанмахмұт Торайғыров
3. Түсініп оқы.
Сұлтанмахмұт Торайғыров – ақын, ағартушы
Сұлтанмахмұт Торайғыров (1893–1920) Солтүстік Қазақстан облысы Уәлиханов ауданында туған. «Шәкірттерге», «Оқудағы мақсат не?» және т.б. өлеңдері бар.
4. Екі өлеңді салыстыр.
1. Тақырыбы.
2. Негізгі ойы.
5. Тіл туралы қанатты сөздер, афоризмдер жинастыр.
6. «Ана тілім» деген тақырыпта 5 жол өлең құрастыр.