Мәдени мұра дегеніміз не?
17. Мәтінді түсініп оқы.
Есік қорғанындағы «Алтын адам» бейнесі 1970 жылы табылды. Оны археолог К.А. Ақышев тапқан.
«Алтын адам» киімі 4 мыңға жуық алтын әшекейлермен безендірілген. Баскиімі кейінгі қазақ киімі үлгілеріне ұқсас. Биік, шошақ төбелі, ұзындығы – 70 см.
«Алтын адам» сол кездегі сақтарда мемлекеттік өркениет қалыптасқанын дәлелдейді.
«Балдырған» журналынан
• Мәтін мазмұнына сүйеніп, сұрақ-жауап түріндегі диалог құрастырыңдар.
• Қарамен жазылған сөйлемнен күрделі мүшені тап. Ол қай сөз табынан жасалған?
18. Кестені толықтыр.
• Тапқан күрделі мүшені қатыстырып сөйлем құрап жаз.
19. Мәтіннен күрделі мүшелерді теріп жаз.
Маңғыстау
«Байлық тұнған түбек» атанған ғажап өңір – Маңғыстау. Ол «мың қыстау» сөзінен шыққан. Картадан қарағанда әйел адамның сұлбасы көз алдыңа елестейді. Академик Қаныш Сәтбаевтың бұл өңірді ұйқыдағы аруға теңеуі тегін емес. Көктен қараған адамға құлазыған құла түз көрінетін Маңғыстау небір ғажайыптарымен ерекшеленеді. Мұндай табиғи ескерткіштер, ежелгі құлпытастар мен көшпенді ата-бабаларымыздың қолтаңбалары самсап тұр.
«Қазақстан табиғат ғажайыптары» кітабынан
• Маңғыстау туралы дереккөздерден өлең тауып, жоғарыдағы мәтінмен салыстыр. Қайсысы ғылыми-танымдық мәтін?
20. «Түркістан – киелі шаһар» тақырыбында парталас жұбыңмен сұхбаттас.
21. Әлеуметтік желі арқылы келген хабарламаны оқы.
Тарихи орындары өте көп Түркістан қаласын аралап, киелі орындармен танысуға шақырамыз.
• Сөйлемдер түсінікті құрылған ба? Оларды қалай жетілдіруге болады? Қандай сөздермен толықтыра аласыңдар?