Мектеп ережелері
Біз мектептегі тәртіпті еске түсіреміз.
Айналамыздағы дүниелердің барлығы бізге жақсы көңіл күй сыйлайды. Соған сәйкес оның ережелері де бар.
Мектеп – көпшілік орын. Оқушы мектептегі ережелерді сақтай білулері керек.
Топта ақылдасып, сынып ережелерін құрастырыңдар.
Мектепте сақталатын ережелерді талқылаңдар.
«Тәртіп бар жерде тәрбие бар»
деген ұғымды қалай түсінесің?
Сабаққа оқушы уақытымен келеді.
Сабаққа оқушының кешікпей келуі де жауапкершілікке жатады.
1. Сен күнделікті осы ережелерді сақтап жүрсің бе?
2. Сабаққа кешігіп келудің себебі неде деп ойлайсың?
Сабақ мұғалімнің сәлемдесуінен басталады.
Мұғаліммен сәлемдесу үшін оқушылар түгел орнынан тұрады. Мұғалім «Сәлеметсіңдер ме, балалар!» деп басын изегенде оқушылар партаға жайғасады.
Сұраққа жауап бергенде немесе сұрақ қойған кезде оқушы – қол көтереді.
Жауап бергің келе ме – дауыс көтерме,
Тек қолыңды жаймен көтер.
Партада отыру ережесін сақта!
Сен партаға түзу отыруға дағдылан.
Сен өзіңді оқушыға лайықты сезін.
1. Партаға қалай дұрыс отыру керек?
2. Суреттерге қара. Партаға дұрыс отырмау салдарынан оқушы қандай жағдайларға душар болуы мүмкін?
Сабақ кезінде мұғалімді мұқият тыңда!
Оқушылар мектепке жаңа білім алу үшін ізденіп, жұмыс істеуге келеді.
• Сабақ кезінде бөгде іспен шұғылдану білім алуға кедергі жасай ма?
Бөгде іспен айналысқан оқушы кімдерге кедергі келтіреді?
Үзіліс кезіндегі ережелерді сақта!
Үзіліс кезінде досыңмен серуенде.
Ешкімге жаманат тақпа,
Сыныпта ешкімді итерме,
Қағаз қиқымдарын шашпа,
Өзіңнен кішілерге қамқор бол!
«Өзіңді тексер!»
1. Оқушы мектепке келген кезде ең бірінші не істеу керек?
а) бірден сыныпқа кіреді;
ә) сырт киімді шешіп, аяқкиімді ауыстырады;
б) бірден асханаға кіреді.
2. Қандай заттарды мектепке алып келуге болмайды?
а) айналадағыларға қауіп төндіретін зат;
ә) ұялы телефон, плеер;
б) оқулықтар.
3. Сабақ басталудың белгісі қандай?
а) қоңырау;
ә) қоңыраулы сағат;
б) сағат.
4. Сабаққа қоңырау соғылғанда оқушы не істеу керек?
а) үйіне қайтады;
ә) басқа оқушылармен әңгіме-дүкен құруды бастайды;
б) өз білімін тексереді.
5. Мұғалім сыныпқа келген кезде оқушы не істеуі керек?
а) орнынан тұрады;
ә) достарына сұрақтар қояды;
б) сыныптан шығады.