Бабаларымыздың жылқы малын қолға үйретуі
Сен жылқының басқа жануарлардан кейін ғана қолға үйретілгенін білесің бе? Ғалымдар жылқыны алғаш Қазақстан аумағында қолға үйреткенін айтады.
Ғалымдар Солтүстік Қазақстаннан Ботай елдімекенін ашты. Ондағы қазба жұмыстарынан тұрғынжай қалдықтарын тапты. Тұрғынжайдан аттың ауыздықтары табылды. Қыштан жасалған ыдыстардың сынықтарынан қымыздың кепкен тамшылары анықталды.
Жылқының ауыздығы
Қазбадан табылған заттар нені айғақтайтынын түсіндіріп көр.
Біздің ата-бабаларымыз жылқыны қолға үйрете білді. Ол уақыттардағы ауа райы жылы әрі ылғалды болды. Қоныс маңында өскен шөпте жабайы жылқылардың үйірлері жайылып жүретін. Ботайлықтар жылқыны қолға үйретіп және оларды көбейте білді.
Қорытынды жасаңдар. Жылқыны қолға үйретудің қандай маңызы болды? Сен қалай ойлайсың, жылқы жануары адам еңбегін жеңілдете ала ма?
1. Ботай елді мекеніне қазба жұмысын жүргізген археологтерге сұрақ қойып, сұхбат ал. Қойылатын сұрақтарды және берілетін жауаптарын ойластыр.
2. Халық арасында «Жылқы – ер қанаты» деген мақал бар. Қалай ойлайсың, барлық жануарлардың ішіндегі жылқыға неге ерекше құрметпен қараған?