Отбасы шығыстары қалай жоспарланады?
– отбасы қаржысының қалай жоспарланатынын білетін боласың.
Отбасының табыстары қайдан құралады? Ақша не үшін керек?
Отбасылық қаржы қайда жұмсалады? Табыс пен шығыс деген не?
Әрбір отбасының өзінің қаржылық табысы болады. Бұл – отбасы мүшелерінің алатын еңбекақысы мен басқа да табыстары.
Әр отбасының табысы әртүрлі болады. Ол әкесінің және анасының, басқа да ересек отбасы мүшелерінің еңбекақысынан, атасы мен әжесінің зейнетақысынан, студенттердің шәкіртақысынан және басқа да табыс көздерінен құралады.
Отбасыңның кірісі неден құралатыны туралы ойлап көр.
Сенің отбасың ақшаны қандай қажеттіліктерге жұмсайтынын есіңе түсір.
Дәріхана
Киім дүкені
Азық-түлік дүкені
Көлікпен қатынау
Әр отбасының өзіндік шығысы бар. Отбасы ақшаны түрлі қажеттіліктерге жұмсайды.
Негізгі жұмсалатын отбасылық шығындар – азық-түлікке, киімге, білім алуға, көлікке, техникаға, дәрі-дәрмекке, коммуналдық қызметтерге, байланыс қызметіне төленетін ақылар.
Олардан басқа ойыншық, кітап, газет сатып алатын, театр, кинотеатрға баруға, саяхаттауға жұмсалатын қаражаттар да бар.
Сенің де күнделікті жұмсайтын қаражатың бар. Оны сен қалай жұмсайтыныңды айтып бер.
Отбасындағы ересек адамдар өз қаражатын тиімді жұмсауға тырысады. Олар күнделікті қажеттіліктерге ғана жұмсап, шығындарды азайтады. Сапалы тауарлар сатып алып, қолайлы қызмет түрлерін пайдаланады.
Әркім өз қаражатын қайда жұмсайтынын жоспарлай білуі керек. Ол үшін төмендегідей тәртіппен есеп жүргіз.
Адам отбасындағы қаржыны денсаулығын күту, рухани жандүниесін дамыту үшін қалай жоспарлауы керек?