Адам өміріне ауа райының әсері
Сен ауа райының белгілі бір мезеттегі жай-күйі екенін білесің. Ауа райын болжау үшін бірінші ауаның температурасын, желдің күшін, аспанда бұлттың бар-жоғын және жауын-шашынды анықтайды.
Суреттегі отбасылар жайлы не айтасың?
• Терезеге қарап, парталасыңа бүгінгі ауа райы жайлы әңгімеле.
• Сыныптасыңмен жақын арадағы ауа райын білу не үшін қажет екені жөнінде ой бөліс.
Халықта Күн қызарып батса, ертеңгілік ауа райы жылы, жайлы болады дейді.
Ауа райының өзгеруіне қатысты тағы қандай халықтық ырымдарды білесің? Әртүрлі ақпарат көздерінен іздестір
(интернет желісі, қосымша әдебиеттер). Ол жайлы сыныптастарыңмен ой бөліс.
Сендер ауа райының адамдарға белгілі бір мөлшерде әсер ететінін байқадыңдар.Адамдардың шаруашылық әрекетіне ауа райы қалай әсер етеді? Суретті пайдаланып қорытынды жаса.
Өткен замандарда адамдардың өмірі ауа райына тікелей қатысты болды. Тарихқа үңілейік. Өте ертеде Қазақстанның жерінде құрғақ ауа райы қалыптасты. Жауын өте сирек жауды. Егіншілікпен айналысу мүмкін болмады. Өсімдіктер қатты ыстықтан қурай бастады. Біздің ата-бабаларымыз жылқы, қой, түйе өсіре бастады. Олар етті, сүтті қорек етті. Тіпті баспананың өзін – киіз үйді жүннен, қой жүнінен да-ярлады. Қысқы киімдер де жүннен, теріден тігілді.
Бүгінгі уақытта ауа райының жайсыздығын алдын ала болжау жоғарылады. Себебі жаңа техникалар пайда болды.
Сенің аймағыңдағы ауа райын жайлы деп атауға бола ма? Оны несімен жайлы деп атадың?.
Суреттерге қарап, балалардың не себепті әртүрлі киінгенін бақыла. Сыныптасыңмен ой бөліс.
