Людвиг ван Бетховен –
дүниежүзіне әйгілі неміс
композитор-классигі
«Изумрудная музыка».
Тірі өсімдіктерден
жасалған мүсін
Музыка және мүсін
1-тапсырма. Әңгімелеу. Талдау.
Бейнетаспада берілген мүсіндерді сыныпта талда.
• Мүсін түрлеріне назар аудар.
• Мүсіндер қандай көңіл күйді білдіреді?
2-тапсырма. Ақпарат іздеу.
Мына сұрақтарға жауап бер:
• Мүсін дегеніміз не?
• Мүсіндердің қандай түрлері бар?
• Олар неден жасалады?
3-тапсырма. Талдау.
Музыка және мүсіндеу өнерлерін салыстыр. Бір жағында мүсіндеу өнерінің туындылары – мүсіндер, оларды жасайтын мүсіншілер. Екінші жағында музыка өнерінің туындылары – музыканың өзі, оны жазатын және ойнайтын музыканттар, музыкалық аспаптар т.б.
• Суреттерді зертте, талдау жаса, сұрақтарға жауап бер, пікіріңді айт.
• Мүсіндеулер атақты музыканттарды, музыкамен байланысты құбылыстар мен аспаптарды бейнелей алды ма?
Музыканттар тобы.
АҚШ. Аризона штаты
Саксофоншы-музыкант
Қобыз.
Қарағанды қаласы
Құрманғазы –
төкпе күйдің тарланы
4-тапсырма. Тыңдау және талдау.
Г. Абдрашева «Мүсіндер мұражайында» шығармасында музыка арқылы мүсіндердің бейнесін көрсеткен. Шығарманы тыңда, талда.
Мына сұрақтарға жауап бер:
• Музыка мүсіндерді бейнелей алды ма?
• Қандай көріністер көз алдарыңда елестеді?
Мүсін – кеңістікте жан-жақты бейнеленген, сомдалған көркем шығарма.
Мүсіндеу – көркем өнердің бір түрі. Мүсінді орыс тілінде «скульптура» деп атайды.
«Скульпо» деген латын тілінде «кесу, қашау» деген мағынаны білдіреді.
Мүсінші – мүсіндеме жасайтын адам.
Мүсіндеме – қатты немесе пластикалық заттардан, соның ішінде: тастан, темірден, сазбалшықтан, балауыздан, ағаштан, сүйектен және басқа материалдардан жасалады.
Мүсіндеудің түрлері: жұмыр және рельеф.
Мүсіндеме туындылары үш өлшемнен (биіктік, ендік, аумақтық) құралады.
Мүсіндер мұражайында
(музыкалық суреттер)
Музыкасын жазған: Г. Абдрашева
Бұл шығармада композитор «Алдаркөсе», «Тоңмойын есек», «Көңілді құлын» және «Аққу» мүсіндерінің бейнесін көрсете алды ма? Түсінігіңді айтып бер.
5-тапсырма. Ән үйрену.
Өнерлі бала
Өлеңін жазған: А. Асылбек
Әнін жазған: Ә. Бүшікова
2.
Маманымын ісімнің,
Небір ұлы кісінің
Келтіріп бар пішімін,
Тұрғызамын мүсінін.
Абай – ақыл дария,
Жамбыл – жырау кәрия.
Біз жасаған мүсіндер –
Мәншүк пенен Әлия.
Қайырмасы:
Өнер – өрнек , ән-күйлер,
Бой балқытқан бал билер.
Таудай биік талабым,
Мен өнерлі баламын.
Өлең айтып, би билеп,
Шырқап ән де саламын.
Бәрі келер қолымнан,
Жаңылмаймын жолымнан.
Мақтаны боп елімнің
Шығам әлі соңынан.
Қайырмасы:
• Екінші мен үшінші шумақтарды үйрен .
• Әнді әдемі, мәнерлеп орында.
Сөзжұмбақты шеш.
«Мүсіннің сыры» сөзжұмбағы
1. Мүсіннің формасы.
2. Мүсін жасалатын материал.
3. Кеңістікте жан-жақты бейнеленген, сомдалған көркем шығарма.
4. Мүсіндеме жасалатын материал.
5. Мүсін жасайтын адам.
6. Көркем өнердің бір түрі.
7. Мүсіндеме туындылары өлшемінің бірі.
8. Күн шығар алдындағы мезгіл.
9. Мүсін жасалатын материал.
10. Мүсін жасалатын материал.
11. Мүсіндеудің бір түрі.
12. Мүсіндеудің тағы бір түрі.
6-тапсырма. Таныстыру және бағалау.
Құрастырылған шығарманы сынып алдында орында және бағала.
• Өзара бағалауды жүргіз.
Мына сұрақтарға жауап бер:
• Сабақта не ыңғайлы болды?
• Қайсы тапсырма қиын болды?
• Сабақта нені әлі де жақсарту қажет?