Ақылшы дос
Презентация (таныстырылым) жасап үйренемін және топ алдында сөйлеймін.
1. Сұраққа жауап бер.
2. Түсініп оқы.
Дос туралы ертегі
Бір досым бар, сағынып
көрісеміз күнде біз.
Отырмаймыз жабығып –
көңілдіміз, біргеміз.
Үйретеді жақсы өлең,
жамандықтан шектейді.
Тіл табысып басқамен,
мені сатып кетпейді.
Ертегілер еліне,
батырлардың жеріне,
құс жетпейтін көгіме,
биіктердің өріне.
Жетелейді сеніммен,
қызықтарға бастайды,
еруге оған ерінбен,
сырымды да шашпайды.
Қалаларды не деген
аралатты ол маған.
Жүздік жүйрік кемемен
айдындарда ондаған.
Түнек жерге жыр-әнмен
найзағай боп жай шаштық.
Талай қарақшылармен
ол екеуіміз шайқастық.
Атқа шауып үйреніп,
араладық тау, белді.
Найзаменен түйредік
жалғыз көзді дәулерді.
Білмейді бір зекуді –
сендіреді, сенеді.
Мен жабықсам, не түрлі
әңгіме айтып береді.
Сырын ашып Күннің де,
бастар талай жол көшін.
Кім екенін білдің бе –
Кітап еді ол досым!
Фариза Оңғарсынова
3. Автор туралы не білетініңді есіңе түсіріп айт.
Фариза Оңғарсынова
1939–2014
- ?
- ?
- Елбасы Нұрсұлтан Назарбаев ақынға «Қазақ поэзиясының падишасы» деп баға берді.
4. Өлеңді басқаша тағы қалай атауға болады?
5. Ф. Оңғарсыновамен болған сұхбатты түсініп оқы. Ақынның пікірімен келісесің бе? Пікір білдір.
– Кітап оқу туралы жеке ұсынысың?
– Кітап оқымаған адам – тамырсыз қаңбақ.
6. Ақынның кітап туралы пікіріне қатысты презентацияға (таныстырылымға) материалдар (5) дайындаңдар.
Менің досым
1. Кітап – білім бұлағы.
2.
3.
1. Тақырып.
2. Ақынның пікірі.
3. Осы пікірге суреттер салу.
4. Кітап оқу туралы сенің пікірің.
5. Өз пікіріңе суреттер салу.
6. Презентацияңды MS Power Point бағдарламасын пайдаланып безендіруге болады.