Қызықты кітап
Шығарманың құрылымын жетілдіремін.
1. Сабақтың тақырыбына назар аудар. Ол қандай кітап деп ойлайсың?
2. Сөзжұмбақты шеш.
1. Жер бетіндегі биіктік.
2. Жазғы жайылым.
3. Басы қайнардан бастау алатын су.
4. Жәндік түрі.
5. Су жанындағы құрлық жиегі.
6. Ағаштар шоғыры.
7. Үлкен су көзі.
3. Түсініп оқы.
Демалыста жайлауда
Демалыста жайлауда
Жүрдік інім екеуіміз,
Мезгілді тек ойнауда
Өткізбедік бекер біз.
Талай өлең жатталды,
Талай кітап оқылды,
Еңбегіміз ақталды,
Толтырған соң олқыны.
Сонда да інім мін тақты,
Менен көріп барлығын.
– Тап, – деп, – қызық кітапты
Қиғылықты салды інім.
«Үлкен бір кітап табайын
Маған ер де жүр», – дедім.
«Қызықтың саған талайын
Көрсетейін, біл», – дедім.
Жаңа орман ну көрдік,
Жал толқынға жармастық.
Қызыл-жасыл гүл тердік,
Құзға өрмелеп, тау астық.
Күнбағысты баптадық,
Бұлбұл үнін тыңдадық.
Жер асылын ақтарып,
Аралаудан тынбадық…
– Табиғаттың кітабын
Алуан сырлы осындай
Оқыған сайын, Отаның
Ыстық тартар осылай.
Мұзафар Әлімбай
4. Өлеңнің авторы туралы не білесің? Есіңе түсір.
Мұзафар Әлімбай
1923–2017
- ?
- ?
- ?
5. Өлеңге сүйеніп, ақын ойын өрбітіп әңгімеле.
1) Жаңа орман ну көрдік. Не көрдің?
2) Жал толқынға жармастық. Оқиға ойластыр.
3) Қызыл-жасыл гүл тердік. Сипатта.
4) Құзға өрмелеп, тау астық. Сипатта.
5) Бұлбұл үнін тыңдадық. Қалайша? Оқиға ойластыр.
6. Сенің ойыңша, табиғат туралы кітап қандай бөлімдерден тұруы мүмкін? Әр бөлімге ат қой.