Қанық емес ашық түстер
Қанық және қанық емес түстерді қай жерде пайдаланғаныңды есіңе түсір.
Қанық және қанық емес түстер тек кеңістік перспективасын бейнелеу үшін ғана емес, сонымен қатар көрерменге әртүрлі сезімді де білдіруге көмектеседі.
1. Нәзіктікке толы мына картиналарға қарашы. Бұл картиналарға қарап қандай сезімге бөленесің? Айтып бер.
2. Қалай ойлайсың, Б. Моризоның «Пианино» атты туындысындағы әуеннің көңіл күйі қандай?
3. М. Кассеттің «Бақ ішіндегі жас ана» картинасында анасы бесіктегі баласына қандай кітап оқып отырғанын болжап айт.
4. Екі картина қандай түстермен орындалған?
Бұл жұмыстар қанық емес ашық түспен орындалған. Олар нәзіктік пен тыныштықты , сабырлылықты көрсетеді.
Қанық емес ашық түсті шығару үшін гуашьқа ақ түсті бояу қосады, ал акварель бояуларына көбірек су қосады. Қанық емес ашық бояулы түс үйлесімі жылы , суық немесе қарама-қарсы түсті бола алады.