Біздің өміріміз, айналамыз болашақта қандай болатыны туралы ойланған шығарсың? Адамдар әрдайым болашаққа көз жүгіртіп, қиялға ерік беріп отырған. Жазушылар қиял-ғажайып әңгімелер жазып, суретшілер кескіндеме және графикалық суреттер салады. Ең қызығы, адам сенгісіз дүниелер болашақта жүзеге асып отырған. Мысалы, бұрынғы замандағы адамдар бір орыннан екінші орынға жылдам жеткізетін ертегідегідей ұшатын кілемді армандаған. Қазір адамдар ұшаққа отырып, көзді ашып-жұмғанша алыс елге тез-ақ жетеді.