МАТРИЦАЛАРДЫ САЛАТЫН ҚОРАП ЖАСАП, ӘШЕКЕЙЛЕЙМІЗ
Сен де бүгін дизайншы боласың. Матрицалар мен басқа да ұсақ-түйектерді салатын қорап жасайсың. Қорапты қандай материалдан жасайтыныңды және көлемі туралы ойлан. Қабілетің мен ұқыптылығыңды көрсет.
1. Жеңіл заттарды салатын қорапты қандай қатырма қағаздан жасауға болады? 2. Ауыр заттарды салатын қорапты қандай қатырма қағаздан жасайсың? 3. Жұқа қағаздан жасалған қорап берік бола ма ?
ЖҰМЫСТЫҢ РЕТІ
1. Керек өлшемді қатырма қағаз парағын дайында. Өлшемі 15 және 20 см болатын тік төрт бұрышсыз. Бұл – қораптың түбі.
2. Сызғышпен жан-жағынан 6 см өлшеп сызық жүргіз. Бұл – қораптың бүйір қабырғалары. Қораптың тереңдігі қабырғаларының өлшеміне байланысты . Сенің қорабыңның тереңдігі 6 см болады. 3. Осылайша қораптың барлық жағын жаса. 4. Бүйір жақтарынан 2 см қағаз жолағын қалдыр . 5. Дайындаманы қиып ал .
6. Қораптың қақпағында осылай жаса. Қақпағы қораптың түбінен 0,5 см үлкен болу керек. Қақпағы дұрыс тұруы үшін ол шығыңқылау болу қажет. Алайда олар 2 см-ден аспайды. Қақпағын желімдеместен бұрын қысқышпен бекіте тұрып, қорапқа сай келетінін тексеріп ал .
7. Бүктеулерін қайшым ен басып, сызықтарының үстінен қайыр . Қақпақтың үлгісін де солай жаса.
8. Оларды ұқыптап желімде. Қораптың қақпағын да желімде.
ҚОРАП ДАЙЫН! Оны әшекейлеу ғана қалды .
Сен суретшісің. Қорап берік әрі ыңғайлы ғана емес, әдемі болғанын да қалайсың. Қорапқа қағаздан қиып алған дөңгелектерді желімдесең, ол өзгере қалады. Қорапты қағаздан жасалған гүлдермен не бантпен әшекейлей аласың. Қорапты әшекейлеу жолдарын ойлан.
№1 жұмыс дәптерінің 24–25-беттеріндегі тапсырмаларды орында.