Менің туристік маршрутым
СЕН:
Жаз жақындап қалды. Сен достарыңмен бірге біздің еліміздің мәдениеті мен тарихы жөнінде көбірек білсем дейсің. Неден бастауды, қайда баруды ойластырып жүрсің. Ендеше алдымен туристік маршрут жасаудан баста. Сен «туристік маршрут» деген сөзді естігенде нені елестетесің?
Туристік маршрутты жоспарлау
Алдымен қайдан бастайтынымызды және соңғы нүктемізді анықтаймыз. Карта бойынша барғымыз келетін жерлерді белгілейміз. Өзімізге қызықты ескерткіштерді нақтылаймыз.
Қазақстанның физикалық картасы
Туристің назарына!
Бағытты туристер ғана емес, туристік фирманың өзі де белгілеуі мүмкін. Ондай жағдайда туристерге көлік және жол көрсетуші қызмет көрсетеді.
Туристік маршрут бағытымен жүрген кезде тарихи және табиғи ескерткіштерді көруге болады.
Отанымыздағы тарихи жерлерге саяхат жасайық.
Қазақстанда бүкіл халқымыз құрмет тұтатын қасиетті жерлер бар. Төмендегі суреттерге қарап, олармен танысып ал.
Түркістандағы
Қожа Ахмет Ясауи
кесенесі
Шымкент қаласының
маңындағы
Арыстан бап кесенесі
Маңғыстаудағы
Бекет атаның жерасты мешіті
Бұл қасиетті орындар тарихи және мәдени ескерткіштер саналады. Олар бізді өткен ғасырлармен жалғастырып тұр. Осы соңғы сөйлемді сен қалай түсінесің?
Біздің Отанымыздың оңтүстігіндегі туристік бағыттарды қарастыр. Сен олармен жүріп отырсаң, көпшілігі біздің рухани киелі орындарымыз болып саналатын тарихи ескерткіштермен танысасың.
Атауы
Қазақстанның діни қасиетті орындары
Бағыт
Алматы –
Тараз –
Шымкент –
Түркістан –
Алматы
Нені көреміз?
Таразда – Айша Бибінің кесенесі, Қараханның кесенесі, Түркістанда – Қожа Ахмет Ясауи кесенесі, Арыстан бап кесенесі
(Шымкенттен 150 шақырым).
Күндер саны
3 күн
Шығындар
Көлік (автобус), азық-түлік, саяхат, тынығатын орын.
Топтық жұмыс
1. Біздің елордамыз – Астана бойынша туристік бағыт жасаңдар. Астанадағы өздерің білетін көрнекті орындарды естеріңе түсіріп, оларды туристік бағыттың тізіміне қо- сыңдар.
2. «Қазақстанның табиғи көрнекті орындары» туристік маршрутын жасаңдар.
3. Туған өлке бойынша өздеріңнің туристік маршруттарыңды ұсыныңдар.
4. Өз қалаларыңдағы (ауыл, село) көрнекті орындардың жарнамасын жасаңдар.
Сен білесің бе?
Астанада ашық аспан астындағы «Атамекен» мұражайы бар. Ол – біздің еліміздің кішірейтілген макет картасы. Мұнда біздің еліміздің басты қалалары – Астана мен Алматы бар. Картадан еліміздегі 200-ден аса көрнекті орындарды көруге болады.