ЕЛ ТАРИХЫ – ҰЛТТЫҚ ҚҰНДЫЛЫҚ
1. Қазақ елінің тарихы туралы не білесің?
2. «Туған тарихты білу – әркімнің парызы» дегенді қалай түсінесің?
1-тапсырма. Мәтінді мұқият тыңда.
2-тапсырма. Тірек сөздерді қолданып, тыңдалым мәтініне жоспар құр.
Тәуелсіздік, ел егемендігі, бостандық, халық, қоғам.
3-тапсырма. Суреттерді салыстыр. Олардың қайда орналасқанын тап. Әр суретке сипаттама бер.
4-тапсырма. Тілдік бағдар айдарындағы ережелердің өзіне тән ерекшелігін, қызметін, маңызын талда.
5-тапсырма. Мәтіндегі көркем сөйлеудің стильдік ерекшеліктеріне сәйкес айтылған ойды кестеге салып жаз.
6-тапсырма. Мәтінді көңіл бөліп оқы. Әрбір абзацтағы негізгі ақпараттарды белгілеп, маңыздылығына қарай бөліп жаз.
Қандай халық болсын, оның жер жағдайы мен тұрмыс-тіршілігі сол халықтың болмысына, мінез-құлық жаратылысына өз таңбасын салып, санасына сіңетіні белгілі. Алла тағала қазақ халқын бірін-бірі сағынысып жүрсін, бірінің қадіріне бірі жетсін деп әдейі ұлан-байтақ жер беріп, сол керіліп жатқан кең жерге ала бұлттан тамған тамшыдай қазақтарды сирек шашып жіберген секілді. Бәлкім, содан да болар, ата-бабаларымыз кісі көрсе, қуаныпты. Танысын-танымасын, ұшырасқан адамға сәлем беріп, жөн сұрасып, әп-сәтте кедергісіз шүйіркелесіп, ұршықтай үйіріліп кетеді екен …
Қазақ халқы – өзінің қат-қабат тарихында небір нәубетті асулардан асып, басынан талай зобалаңды кешірген, мұңы қордаланған шерлі халық. Сонда да өзіне тән ұлттық қалпын шамасы жеткенше сақтап келеді. Соның бірі – адамға үйірсектігі.
(Б. Момышұлы)
7-тапсырма. Үлгіге сәйкес оқылым мәтіні бойынша өз пікіріңді дәлелдеп айт.
1. Менің пікірім – бір сөйлем.
2. Дәлел – екі сөйлем.
3. Пікіріңді дәлелдейтін мысал – екі-үш сөйлем.
4. Өз пікіріңе қарсы ой топшылау – бір сөйлем.
5. Қарсы пікіріңді ақтап алатын пікір – екі-үш сөйлем.
6. Қорытынды сөз – екі сөйлем.
8-тапсырма. Оқылым мәтініндегі ақпараттардың реттік санын мазмұнына сәйкес дұрыс жаз.
9-тапсырма. Төменде берілген сөйлемдерді пайдаланып, Тәуелсіздік күніне арналған құттықтаухат жаз. Екпіннің түрлерін қолдан.
1) Егемен еліміздің тәуелсіздік күні құтты болсын!
2) Қазақстан Республикасының Тәуелсіздік күнімен құттықтаймын. Еліміздің бірлігі нығая берсін. Ұрпақтарымыз бақытқа бөленіп, шаттықта өмір сүрсін!
3) Тәуелсіздік – ата-бабаларымыз аңсаған ұлы күн. Әр ұлт үшін, әр халық үшін тәуелсіздіктен асқан бақыт жоқ.
10-тапсырма. Төмендегі сөздер мен сөз тіркестерін қолданып, мәтін құрап жаз. Сөйлемдерде тіркес екпіні және дыбыс екпіні болуын ескер. Олардың астын сыз.
Ата-баба тарихы, біздің ел, тәуелсіздік, халық арманы, құндылық, тарихтың әр парағы, менің ойымша, бостандық, аманат, шежіре.
11-тапсырма. Кесте бойынша өз ойыңды қорытындылап жаз.
