Жасанды ортадағы қауіп қатерлер

Біз жасанды ортада өмір сүреміз. Бұл – адамның қолымен жасалған және табиғат тәрізді өз бетінше жеке тіршілік ете алмайтын қоршаған ортаның бір бөлігі. Адам баласының өз қажеті үшін жасаған дүниелерінің бәрі жасанды ортаға жатады. Жер үйде немесе пәтерде өрт шығуы, газ таралуы, су құбы-
рының жарылуы мүмкін. Егер пәтерде бір нәрсе жана бастаса, отты жылдам сөндіруге тырысу керек. Ол үшін ең дұрысы жанған нәрсенің үстін көрпемен жаба салу. Ауа болмаса от жылдам сөнеді. Ал егер от жалыны өрши бастаса, 101 телефонына хабарласып өрт сөндірушілерді шақыру қажет. Содан соң үйдегі адамдар жылдам сыртқа шығуы тиіс. Егер пәтерден газдың иісі шықса, терезелерді ашып үйдегі ауаны алмастыр. Содан кейін газ плитасының бұрандасы жабық болуын тексер және құбырдағы кранды бұрау арқылы газды тоқтат. Газдың иісі шыққан кезде сіріңке жақпа және
электр жарығын қоспа. Үй ішіне таралған газ сіріңке жаққанда немесе электр ұшқынынан жарылуы ықтимал. Егер газдың иісі кетпей қойса, 104 нөмірі арқылы газ қызметінің диспетчерімен хабарлас. Бірінші суық су мен ыстық су келетін тетікті жабамыз. Егер құбыр жарылып, жабу мүмкін болмаған жағдайда ата-аналарыңа хабар беріңдер. Немесе 112 нөміріне қоңырау шалып көмек сұра. Көршілерге де хабарласуға болады.